मनहरी, भदौ २०, मनहरीका ईसाई युवा सङ्गतीले मनहरी -७ मनहरी बजारको चेेैनपुर चोकमा आयोजना गरेको रक्तदान कार्यक्रम सम्पन्न भएको छ ।
बिहीबार संगतीको १४ औं स्थापना दिवसको अवसरमा आयोजना गरिएको कार्यक्रममा मनहरीका ३० जना व्यक्तीहरुले रक्तदान गरेका छन् ।
कार्यक्रममा मनहरी गाउँपालिका उपाध्यक्ष सीता पुलामी मगर प्रमुख अतिथि रहेको थियो भने प्रमुख अतिथि मगरले रक्तदाताहरुलाई ब्लड ब्याग हस्तान्तरण गर्दै कार्यक्रमको बिधिवत रुपमा उद्घाटन गर्नु भएको थियो । मगरले कार्यक्रममा बोल्दै “एक थोपा रक्तदानले अरुको कसैको जीवन बचाउन मद्दत गर्छ” त्यसैले रक्तदान गर्नु पर्नेमा जोड दिनु भयो ।
कार्यक्रममा मनहरी गाउँपालिका वडा नं. ७ का कार्यबाहक अध्यक्ष नवराज सुवेदी , एनसिएफएन बागमती प्रदेश सदस्य बाबुराम थिङ ,उद्योग बाणिज्य संघ पश्चिम क्षेत्र समिती मनहरी सभापती गणेशमान मानन्धर , मनकामना सामुदायिक बन उपभोक्ता समूह अध्यक्ष सुरेश मुक्तान लगायतका व्यक्तिहरुको उपस्थिति रहेको थियो भने कार्यक्रम ईसाई युवा संगति मनहरीका अध्यक्ष रुद्र बहादुर मुक्तानको अध्यक्षतामा सम्पन्न भएको थियो ।