मनहरी भदौ २८, मनहरी सहकारी संस्था लि.को १६ औं साधरण सभा मनहरी स्थित मनकामना मन्दिरमा भब्यताका साथ सम्पन्न भएको छ ।
शुुक्रबार भएको संस्थाको साधरण सभा मनहरी गाउँ पालिका अधयक्ष रन्जन कालाखेतीको प्रमुख आतिथ्यतामा भएको थियो । संस्थाको तर्फबाट अध्यक्ष विष्णु प्रसाद भट्ट र कार्यालयको तर्फबाट संस्थाका सचिव बलराम बानियाँले प्रतिवेदन प्रस्तुत गरेका थिए ।
सभाका विशिष्ट अतिथिमा मनहरी गाउँपालिका उपाध्यक्षमा सीता पुलामी, अतिथीहरुमा मनहरी वडा नं.७ का कार्यवाहक अध्यक्ष नवराज सुवेदी, जिल्ला बचत तथा ऋण सहकारी संघका सह-सचिव बिजय बहादुर बस्नेत, उद्योग बाणिज्य संघ मकवानपुर पश्चिम क्षेत्रका अध्यक्ष गणेश मान्नधर लगायतको उपस्थित रहेको थियो । कार्यक्रमको सभाध्यक्ष संस्थाका अध्यक्ष बिष्णु प्रसाद भट्ट रहेको थियो भने कार्यक्रम संचालन संस्थाका सचिव बलराम बानियाँले गरेका थिए ।