मनहरी अशोज ३, मकवानपुरको मनहरी ९ ज्यामिरेमा अवस्थित टसी देछेलिङ छयोलिङ गुम्बाको वरिपरि सरसफाइ कार्यक्रम सम्पन्न भएको छ ।
बिहीबार गुम्बाका कार्यसमितिका पदाधिकारी र स्थानीय बासिन्दाको सहभागितामा सरसफाइ कार्यक्रम भएको गुम्बाका सचिव राज कुमार स्याङ्बोले बताएका छन् । सरसफाइमा गुम्बाका अध्यक्ष लाल सिं रुम्बा, उपाध्यक्ष करम थोकर, सचिव राज कुमार स्याङवो, कोषाध्यक्ष जयन्ती घलान सहित गाउँका तामाङ युवाहरु, बुढा पाका र महिलाहरु गरि करिब ३० जनाको सक्रिय सहभागी रहेेको थियो ।
बाक्लो झाडी भएको कारण सरसफाइ गर्न बिहान ७ बजे देखि मध्यान्ह १२ बजे सम्म लागेको थियो । गुम्बा वरिपरि रहेका झाडि फालेपछि अहिले गुम्बा भएको स्थान शुन्दर र सफा देखिएको थप सचिव स्याङबोले भने ।